- Universitetsbiblioteket sine samlingar skal reflektere og dekkje den faglege breidda og dei faglege satsingane til Universitetet i Oslo.
- Universitetsbiblioteket skal samarbeide med fagmiljøa om å byggje opp og utvikle samlingane.
- Universitetsbiblioteket si samling må sjåast i samanheng med samlingar ved andre UH-bibliotek og Nasjonalbiblioteket.
- Samlingane skal i størst mogeleg grad vere elektronisk tilgjengelege. Når materialet finst i både trykt og elektronisk utgåve kan ein få tak i trykt materiale der dette er fagleg nødvendig.
- Universitetsbiblioteket skal sikre varig tilgang til samlingane, både trykte og elektroniske.
- Universitetsbiblioteket skal sikre og forvalte samlingane av eldre verdifull litteratur.
- Universitetsbiblioteket skal drive aktiv samlingspleie ved å nytte magasinering, deponering og kassasjon. Samlingane skal ikkje innehalde unødvendig dublering.
- Mottak av gåver skal følgje dei same retningslinjene som ordinære innkjøp. Universitetsbiblioteket skal stå fritt til å disponere materialet.
Vedteke av bibliotekdirektøren 5. mars 2013